Oskin talar

Þetta á eftir að vera einn af þessum súru dögum þar sem ég nenni ekki að vera ég.
Ég var alvarlega að hugsa það um klukkan 6 í morgun að fara í klippingu hjá einhverri konu sem ég hefur aldrei hitt mig og ljúga að henni að ég ynni á leikskóla, eða væri bara svona í þessu normi, fílaði júróvisjón og jónsa í svörtum fötum og fyndist þetta alveg hræðilegt með klámráðstefnuna og silvíu nótt, að ég væri sannfærð um að eiríkur myndi vinna þetta hann var nú svo sexí þegar hann söng gaggóvest og ég verslaði engöngu í smáralind, nema þegar ég færi í kringluna.
En það gengur bara ekki upp, ég þarf frí í svona þrjá daga, hamskipti við einhvern annan, kanski verða reiknimaur í banka og spila fótbolta með félögunum eftir vinnu, eða vinna á kassanum í hagkaup og sörfa einkamál.is eftir vinnu, eða vera heimavinnandi þriggjabarna móðir á þönum að koma öllum í föt og skóla og tómstundir og versla í matinn og missa EKKI af uppáhaldssjónvarpsþættinum mínum, desperate housewifes eða eithvað.
Ég yrði svo glöð að vera ég aftur, að gera það sem mér sínist, horfa á glæpó, föndra og hitta vini mína, drekka kaffi á prikinu klukkan 9 á mánudagsmorgni og vera öll að rifna innan í mér af því að ég get ekki fókusað á það sem ég er að gera.

IS THERE A DOG?