Oskin talar

Pakkinn minn er lagður af stað fráhamborgara landinu!!!

Áætlaður lendingardagur 2. október 2006

Erekki enn komin með tracing númer á sendinguna með myndavélinni, það hlýtur að þýða að það sé ekki búið að senda hana. Það verður vesalings símsvarari sem fær símtalið frá mér á eftir klukkan 14:00 þegar þeir loksins fara að svara í símann þarna í feitabollu landinu

Afhverju koma ekki kommur á stafina í titlinum ???
Var að röllta með kortið um ebay.com og hrasaði um þennan grip...

í dag er ég þreytta stelpan, af hverju er ekki til sagan af þreyttu stelpunni?

Ætla loksins út fyrir frímerkið mitt, hef ekki farið neitt síðan 17. júní helgina, þegar ég fór hringinn á Aigo.
Það verður svo gott að teigja út tásum sálarinnar á Syðra Fjallabaki.

Ég elska:
Appelsínugula háruga hundkvikindið mitt
Mömmu mína
Að keyra yfir torfærur og jökulár
Sleikja froðuna af skeiðinni úr latte glasinu mínu
Snerta marga litla kringlótta hluti
Setja tærnar í aðeins of kalt vatn
Horfa á fólk borða afturábak
Þeysast um með ljúfa mússík úr ipodinum á nýja fína reiðhjólinu mínu
Að nota tölvuna mína eftir að ég stækkaði vinnslumynnið upp í 2 gíg
Að skipta um skoðun

Parið á neðrihæðinni vakti mig eldsnemma í morgun með því að blasta White Snake eða einhverjum öðrum viðbjóðnum, gerði það að verkum að ég vaknaði í hryllingi og gleymdi draumunum mínum strax. Það er alltaf svo leiðinlegt því mig dreymir alltaf svo skemmtilegt, man samt part úr síðasta draumnum, þeim sem ég vaknaði upp af. Var einhvernveginn svona.
Ég var unglings stúlka og pabbi hennar hafði eytt öllum sínum peningum í að kaupa námu sem hafði í stuttan tíma gefið honum mikinn auð, en svo hafði auðlindin tæmst og eftir stóð hola í jörðina með fáum en diggum starfsmönnum. Ég átta mig ekki alveg á því hvaða auðlind þetta var en í göngunum var mjó skora, far eftir tæmda auðlindina, ég hafði verið að leika mér eithvað man ekki fyrri partinn af draumnum, en ég labbaði í gegnum skuggalegt og drulluskítugt iðnaðarhverfi á leið í námuna og þegar ég kem á hleypur þessi pabbi minn á móti mér og segir mér að koma með sér ég þurfi að hjálpa honum. Við göngum inn göngin alveg inn í enda og þar er steyptur hvítmálaður vel lýstur hringstigi niður í jörðina, hann beinir mér að fara á undan. Ég flýti mér niður stigann, á reglulegu millibili eru hurðir, þær hurðir eru lokur á göng úr námunni þar sem pabbi minn hafði aldrey gefist upp á því að finna meira af þessari auðlind í námunni sinni, ég fer mjög hratt niður stigann og er oft við það að steypast á hausinn. Þarna í stiganum íhuga ég hvaða stefnu þessi draumur á að taka, átti hann að fara að verða martraðarkenndur og maður inn á eftir mér ekki pabbi minn heldur einhver illur maður sem vildi gera mér mein og væri að lokka mig í sjálfheldu, eða hvort ég ætti að komast á botn námunnar og sjá hvað það var sem að þessi pabbi minn var að fara að sýna mér. Niður nokkrar hæðir var ég orðin ég en ekki þessi unglingsstúlka og maðurinn á eftir mér ekki pabbi unglingsstúlkunnar heldur óprúttinn maður, en ég varð bara ekkert hrædd hlaupandi þarna niður stigann, þá alltí einu mjókka göngin og stiginn endar, ég aftur orðin unglingsstúlkan og pabbi hennar kallar í gegnum háfaðann af bor, " Farðu niður og filgstu með bornum, kallaðu upp ef að drullan breytist". Ég unglingsstúlkan fer inn þessi mjóu göng og sé þar þykkan borinn á fullu og það er bara eithvað drullumall sem sullast í kringum hann, en viti menn eftir augnablik byrjar að sullast upp meðfram bornum svört þykk leðja og ég öskra upp yfir mig "Olía Olía". Þá allt í einu er ég komin aftur upp á yfirborðið og stend við einhverskonar affall frá bornum þar sem þykk svört leðjan er að byrja að koma með drullumallinu. verka mennirnir sem höfðu aldrey hætt að standa með pabba mínum þó þeir hafi ekki fengið borgað í fleyri ár, hrópa uppyfirsig af kæti, því nú loksins myndu þeir fá launin sín og þá vakna ég við þessa hrillilegu mússík frá neðrihæðinni.
En allavegana þá er parið á neðrihæðinni að flytja og ég vonast til að fá nýja nágrana með ókeypis internet handa mér. He he.