Oskin talar

eða var það ei, hverjum er ekki sama, ansi mikið fjör í stúdíóinu í dag/hvöld, hver veit hvar það skiptist.
Frú Sigríður Klingeberg spákona gaf mér spáspilin sín eftir þáttin, er búin að draga tvö og ef þetta virkar þá sigli ég lífið í blíðskapar logni.
Það að vera hjólreiðarmaður í þessari borg óttans getur verið ansi snúið, hvernig væri að gera ráð fyrir glönnum á reiðhjólum, nei ég er ekki að agnúast út í Laugarveginn og það megi ekki hjóla á gangstéttinni þar, það fer bara í taugarnar á mér að það sé hvergi gert ráðfyrir hjólandi fólki, nema jú kanski í Grafarvogi og Öskjuhlíðinni, á bara ekkert leið þar um í mínu daglega amstri.
Sumarið er búið að fara í vinnu og annan aumingja skap, þannig að ég er engan vegin á áætlun með umsóknina mína, en það hefst nú allt saman. Væri samt til í að hafa komið til þessarar borgar áður en ég fer þarna út til að taka próf, ef ég kemst þá svo langt. Eina sem ég er virkilega búin að vera dugleg að gera er að lesa kvikmyndasögu, vildi að eg hefði einhverntíman haft áhuga á mannkynssögu en allt er gott í bili.
Ég er mikið glöð með alskyns afléttingar á hunda fasisma í borginni, búið að skipta út bannað að vera hundur skiltunum fyrir þrífðu upp hunds þíns kúk skiltum á klambratúni og í hljómskálagarði, mikil ánægja með að þurfa ekki að vera að brasa þar í leyfislausum göngu túrum og losunarferðum.
Er bún að búa til gegnheilt plan fyrir nákomna framtíð, hljómar svo: bua til peninga og fara út næsta haust hvort sem ég kemst inn í skólan eða ekki - þekkir einhver einhvern með sambönd í "bransanum" í Prag? er tilbúin að vinna fyrir lítið, hef góða reynslu í kaffiuppáhellingum og samlokusmurningi, já og öðru að vísu.
Hvernig ég bý til þessa peninga verður bara að koma í ljós.
Er almennt hress þessa dagana fyrir utan smá kvef druslu og löngun í alvöru myndavél.
Er að spá í Nikon D50 eða D70s, held það sé best fyrir peninginn sem ég er tilbúin að fórna í þetta, vantar samt líka einn LaCie til viðbótar og þá heldég barasta að lífmitt yrði fullkomnað - í bili.
Og jú víst eitt enn, vantar vinnustofu, fyrir málerí er orðin þreitt á því að vera að brasa þetta í eldhúsinu mínu, en það hefst.