Oskin talar

Þetta hugtak hefur fengið nýa merkingu í mínum huga. Ég heldbarasta að það sé of mikið að upplýsingum í gangi, allavega hér á internetinu.
Ég hef alltaf verið með tvo teljara á þessari síðu. Einn sem ég setti upp löngu áður en ég vissi hvað html er og svo annan ósýnilegan sem gefur mér endalausar upplýsingar um traffíkina á síðunni. Þetta hefur svosum verið allt í lagi, ég sé hvar fólk er að koma í gegnum tengla af öðrum síðum og yfir á mína, svoldið bara gaman. Svona "nei hei er Davíð búinn að linka á mig, jei" svo ég taki dæmi. En það er eitt sem ég hef ekki veitt athygli fyrr, það er Keyword Analysis og Recent Keyword Activity og þetta er það sem að hræðir mig. um daginn þá tók ég eftir því að einhver hafði googlað nafniðmitt og komið inn á síðuna, ekki bara einusinni heldur nokkrumsinnum og ég vopnuð ip tölu viðkomandi, komst að því hver hafði verið að googla mig.

Þetta finnst mér vera ég að hafa of mikið af upplýsingum. Maður á ekki að geta komist að því hver er að googla hvað og allsekki að geta komist að því hver er að googla mann sjálfan.